Published: 25-02-2023
محکمہ پرائمری اینڈ سیکنڈری ہیلتھ کیئر میں امریکن فارما کمپنی جلیڈ(Glead) اور فیروز سنز کے وفد کی سیکرٹری صحت علی جان خان سے ملاقات۔ ملاقات میں دیگر امور کے ساتھ ساتھ جیلوں کے قیدیوں کے صحت کے مسائل زیر بحث آئے، محکمہ صحت کا 12 سے 20 مارچ تک تمام جیلوں میں انٹیگریٹڈ سکریننگ کیمپ لگانے کا فیصلہ۔ علی جان خان نے کہا کہ 43 جیلوں کے 50 ہزار قیدیوں کی ہیپاٹائیٹس بی، سی، ایڈز، ٹی بی، شوگر کی سکریننگ کی جائے گی۔ موٹاپا اور سانس کی بیماری کی بھی سکریننگ کی جائے گی۔ انہوں نے مزید کہا کہ سکریننگ کیمپوں میں پی سی ار، ویکسینیشن اور ادویات مفت فراہم کی جائیگی 2030 تک صوبہ بھر سے ہیپاٹائیٹس اور ایڈز ختم کرنے کا ٹارگٹ دیا گیا ہے۔انہوں نے کہا کہ امریکن کمپنی اور فیروز سنز کا ڈی ایچ کیو اور ٹی ایچ کیو ہسپتالوں میں نان کمیونیکیبل پروگرام میں بھرپور تعاون کا اعلان کیا ہے ، سیکرٹری صحت نے صحت کے مسائل کے حل میں تعاون کرنے پر دونوں فارما کمپنیوں کا شکریہ ادا کیاامریکن کمپنی کے وفد کی قیادت کارل جونسن جبکہ فیروز سنز وفد کی قیادت عثمان خالد نے کی۔
